BARNAAMIJKA URURKA

Ujeedooyinka iyo Mabaadiida Saldhiga u ah aasaaska ururka:     

1.       Magaca Ururku waa :  Somaliland Global Unity oo marka la soo gaabiyo loo yaqaan SLGU

2.      Maxuu yahay Ururku?

SLGU  waa urur samafaleed oo ay ku bahoobeen dhammaan muwadiniinta reer Somaliland ee ku kula dhaqan dunida hareeraheeda.

3.      Waa Maxa Ujeedada guud ee ururku?

SLGU waxa uu ka shaqeyn doonaa Horumarka guud ee dalka gaar ahaan sidii loo sii kobcin lahaa  adeegyada dhinacyadda waxbarashadda,  caafimaadka, deegaanka, iyo daryeelka agoonta iyo dadka jilicsan.

4.      waxa uu xil gaar ah iska saari doonaa sidii isugu xidhi lahaa isku xidhka muwaadiniinta jecel kuna hawlan inay gacan ka geystaan horumarka guud ee dalkooda  isaga  oo u  suuragelinaaya  abuurida  iskaashi casri ah oo lajaan qaadi kara qarnigan 21aad oo u saamaxaya inay wax wada qabsadaan iyagoo kala deegaan ama kala gobal-ba ah.

5.      SLGU waxa uu ku dhiiri gelindoona qurbajooga iyo gudo joogaba in ay aqoontooda iyo awoodooda dhaqaale mideeyaan.

6.       Waxa uu Jid cusub  uu jeexayaa fursadana u abuurayaa da’ yarta soo kacaysa ee reer Somaliland  oo ah madaxda mustaqbalka

7.      SLGU  waxa uu ka shaqeyn doonaa itaal iyo awoodna ku biirin doona dadaalka loogu jiro Ictiraafka madaxbanaanida Somaliland

Ururkan SLGU waxa lagu aasaasay dareen iyo aragti isku midda oo shacabka reer somaliland hiddo iyo dhaqanba u ahaa, sidaa awgeed ururka  Somaliland Global Unity waxa keliya ee u ka shaqayn doona gacana ka geysan doonaa dadaal kaste oo loogu jiro horumarka guud iyo  dib-udhiska dalka,isku xidhka bulshadiisa.

Qaab-Dhismeedka Ururka iyo Waajibaadka Guddida Hawl-Wadeenada


Sidii ururku himiilooyinka iyo hiigsigiisa looga midho dhalin lahaa waxa ururka loo sameeyay qaab-dhismeed balaadhan oo ka kooban gudoomiye guud,xooghaye guud iyo xidhiidhiyaal guud, oo garabada, bulshadda kaga jira kaalin muhiim ah.  Waxaanay kala yihiin:

Guddiga Guud ee Hogaaminta Ururka

Guddiga Sare ee ururku waxa uu ka koobnaan doonaa:

1.      Gudoomiye

2.      Xoghaye

3.      Xisaabiye

4.      Xubno

5.       

Waxa kale oo ururku yeelan doonaa guddi hoosaadyo  kala ah:

Ø  Garabka Haweenka,

Ø  Garabka Dhaliyarada,

Ø  Garabka Bahda Hiddaha iyo Dhaqanka

Ø  Garab Bahda Isboortiga,

Ø  Garabka Ardayda Jaamacadda

    . Masuuliyiinta madaxa garabada ururka  waxay soo xulidoonan si wada jir ah 20 ccl (community cordinator,s leaders) oo midkiiba xidhiidhin doono 33 xubnood oo xilkasnimo leh kuna soo xidhi kara ugu yaraan 2 xubood oo la argti ah.

Qorshaha Halw-Galka Ururka

Ururka oo ah urur samafaleed waxa u horaysa ee uu qaadayaa waa inuu baadho daraasad dheerna ku sameeyo meelaha ugu haboon ee hawsha laga bilaabayo, iyadoo la ogsoon yahay in waddankii wada baahi yahay. Laakiin waxa loo baahan yahay in laysu dheeli tiro. Waxa se qorshaysan in lagaga billaabo daryeelka ogoomaha, xarumaaha naafooyin, iyo baahiyaha kale ee loo arko daraasada ka dib inay mahuraan tahay in la horaysiiyo.

Waxa qorshaysan in ururku u diro waddankii hawl waddeeno hawshaa weyn soo qabta oo qoraal laga duulo ka soo sameeya. Taana lagu daro qorshaha dhaw.

HAWLGALKA URURKA

Hawsha	Mudada	Ujeedada	Fullinta
Shaacinta iyo baahinta jiritaanka ururka	Bisha 1aad	Sidii loo wada ogeysiin lahaa bulsho weynta reer Somaliland, loolana tashan lahaa	Xubnaha ururka oo dhan
Daraasada baahida	3 bilood	In xubno aqoon u leh oo jooga dalka gudihiisa iyo dabediisaba loo xilsaaro in ay daraasad buuxda iyo talo bixin ka keenaan sida loo kala horeysiinayo waxqabadka ururka ee ku waajahan horumarka dalka	Guddida Guud